ماء ميسيلار لإزالة المكياج من جارنيه / Micellar Cleansing To Remove Make-Up From Garnier

اليوم جبتلكم منتج جديد من جارنيه 

المنتج لسه نازل الأسواق من فترة بسيطه 

اشتريته و جربته وحبيت اشاركم رأي فيه 

واعملكم ريفيو عنه بكل التفاصيل :

- المكونات : تركيبة غنية بجزيئات المسيل , زيوت مزيلة للمكياج , زيت الأرغان .

-        رأى بالمنتج : جارنيه معروفه من احسن البراندات الخاصة بالعناية بالبشرة والشعر وعشان كده مترددتش اني اجرب المنتج ده .

وطلع احسن مما كنت اتخيل رائع بكل ما للكلمة من معني الغسول نوعين نوع  بزيت مثل اللى استخدمته ونوع اخر بدون زيت هكلمكم عن النوع الاول .

الغسول رائع بيترج كويس قبل الأستخدام للخلط بين المنتجين الماء ميسيلار والزيوت وتوضع على قطنة ويمسح المكياج بدون فرك والنتيجة ولا اروع بجد المكياج كله بيطلع من اول مسحه من غير ميترك اى اثر او بهتان للون لا تحتاجي بعده غسل الوجة بالماء ابدا .

-        المزيل لجميع انواع البشرة حتى الحساسة .

-        يزيل جميع انواع المكياج حتى المقاوم للماء .

-        لا يعطى ملمس دهنى للبشرة .

-        ينظف من الرواسب والملوثات ولطيف جدا على البشرة .

-        رائحته جميلة جدا .

-        سعره تقريبا 29 ريال .

·       المنتج اكثر من رائع وعجبني جدا وانصح اى بنت تشتريه والعبوه كبيره 400 مل ل 200 استخدام تقريبا , استحق تجربتى بجدارة واكيد هرجع اشتريه تاني .

·       يارب اكون افدتكم اكتبولى رأيكم كمان فى التعليقات ولو عندكم اى سؤال خلونا نستفيد من تجارب بعض ولو فى اى منتج عاوزني اجربه ابعتوه علي دايركت الأنستجرام او الفيس بوك او السناب شات  .